Reblogged from BA Expat:

Changing or improving your life doesn’t have to be a long, frustrating, drawn-out process. I’m always in search of the smallest changes that yield the biggest returns, and below is my collection of quick tips that can make your life easier, more fulfilling, or just less of a pain in the ass. Try one or two of these and tell me how great they worked. Zack’s Not-So-Secret List of Simple Ways to Increase Happiness, Productivity, or General Awesomeness …

Nung una kong marinig ang kanta na ito. Walang duda.. sabi ko sa sarili ko, ang kanta na ito ang isa sa mga kantang magpapatakbo, magpapatigil, magpapabagal, magpapabilis, o magpapa-rebolusyon ng takbo ng puso ng karamihan. Kabilang ako.. :)

—–

Ilang kasalan na rin ang nadaluhan ko. At ilang beses na ang awit na ito ang themesong ng mga kinakasal. Hindi ko alam kung ginagawa nyo yung ginagawa ko pag dumadalo ako ng kasalan, pero meron akong ginagawa na ngayon ko lang sasabihin sa kahit kanino man. ‘Inoobserbahan ko ang mga dumalo sa kasal na mag-sing-irog pa lamang, o yung mga mag-dyowa (salitang bakla), mag-Un (bisaya), yung mga mag-steady (o kahit hindi steady), o basta mga katulad nila.’

Inoobserbahan ko sila, tinitingnan ko ang kislap sa mga mata nila. Lalo na ang mga kababaihan. Mayaman sa emosyon ang mga pag-uusap ng mga mata, ng mga kamay, ng mga kilos ng mga dumadalo ng kasal na mag-sing-irog. Lalo na ang mga kakabaihan.

Isa sa mga kakaibang reaksyon na napansin ko ng minsan akong dumalo ng kasal ng kaibigan ay ng inawit ang kanta na ito, ang ‘You We’re there.’ Merong mga mag-nobyo pa lamang ang malagkit na nagtinginan, merong nagpadama ng ‘excitement sa pamamagitan ng pagkapit ng mahigpit sa kamay ng katipan, merong nagsalita na ‘themesong din natin yun ah.’ Hahahaha.. Loveless pa ako noon ng dumalo ako sa kasal ng isangkaibigan, kaya hindi ako kasama sa mga ‘nag-react.’ :)

—–

Inawit din ni Regine Velasquez ang awit na ito. Maraming nagsasabing mas maganda pa rin yung orihinal na bersyon, at marami din ang nagsasabi na ‘maganda ang bersyon ni Regine Velasquez.’ Aaaminin ko na sa inyo, isa akong taga-hanga ni Regine. Bnibiro ko pa ang isang kaibigan nuong binata pa ako, pag merong pagkakataon niyaya ako ni Regine Velasquez maglakad kahit sa baywalk lang ay sasamahan ko siya. Sabi ko pa nga sa sarili ko, igagawa ko siya ng malaking saranggola at papaliparin namin sa Baywalk. Isa pang aaminin ko sa inyo, nangyari yung date na iyon, sa ‘panaginip.’ Hindi ko alam kung naibaba namin ni Regine yung saranggolang pinapalipad namin dahil nagising na ako ng may nag-away na pusa sa tapat ng bintana namin kung saan ako natutulog. Buwisit na mga pusa yan oh.. :)

Pero, mas maganda ang bersyon ni Regine para sa akin.. obvious ba.. :)

—–

Alam ni Itok (Carlito) na yung kanyang sinusuyo ay paboritong kanta ang ‘You We’re There,’ dahil doon ay nagawa nyang mag-aral mag-gitara. Nagpaturo pa siya sa isang kakilala kung ano yung mga chords at paano tugtugin sa gitara ang kanta na iyon. Madalas pa noon napapansin ko na pag magkakasama kami at nandoon din yung kanyang iniirog ay kinakanta nya yung ‘You We’re There.’ Kasabwat nya si Elmer, ay kinakanta nila yung ‘You We’re There.’

Ang nagagawa nga naman ng pag-ibig. Di ko alam kung naging batikan si Itok sa pagtugtog ng gitara. Pero ang pag-ibig ay nagbubukas ng maraming magandang bagay sa tao. Si Itok na hindi marunong mag-gitara at sintunado sa pag-awit ay nagsikap para pag-aralan awitin at tugtugin sa gitara ang ‘You We’re There.’

—–

Ikaw, ano ang themesong mo (solo)? O themesong nyo? Sigurado merong kanta o mga kanta na kada maririnig nyo ay may maalala kayong tao. Wag mong sabihing wala kang naalala kapag narinig mo yung kantang ‘Happy Birthday’ siguro naman alam mo bertdey mo, o ng nanay mo, o ng tatay mo. Mga ganung epek.

Ang walang kamatayang ‘Ikaw’ ni Ariel Rivera na inawit din ni Regine Velasquez. Ilang beses mo na kayang narinig yon sa kasalan? Ilang taona  kaya ang gumagamit na themesong ang kanta na yon. Pero, syempre mas maganda ang bersyon ni Regine. :)

Ang mga bading gustung-gusto yung kantang ‘Its raining men.’ Di naman obvious ang dahilan. Syempre, gusto nila maglaglagan na lahat ng kalalakihan sa harap nila. Kasama kaya si Piolo sa inaabangan nila o kasama siya sa pag-aabang? :)

—–

Ang mga kaibigan ko sa Saudi, sigurado tinawagan na nila yung kanilang mga katipan sa Pilpinas. Para batiin ng “Happy Valentines.”

Gaano man ka-korni. Dapat talaga na ipinag-diriwang ang araw ng mga puso. Maaring hindi mo iniisip ito, ikaw, ako, lahat tayo.. nabuo dahil sa pag-iibigan ng mga magulang natin. Na tulad ng karamihan ngayon ay ipinagdiwang ang araw ng mga puso. Gaano man ito ka-korni..

Tama rin ang pananaw na hindi lang ito dapat isang beses isang taon.

—–

Kung pag-ibig ang pag-uusapan. Walang persona ang maaring ihambing sa pagpapahayag ng tunay at wagas na pag-ibig kay Hesus. Sa kanyang pag-ibig sa tao ay kinutya siya, hinampas ng latigo, binuhat nya ang kasalanan ng lahat, inunat nya yung kanyang mga kamay, nilatag nya yung mga paa nya, ipinako siya sa krus.

Maaring maraming makamundong aspeto ang pagdiriwang ng araw ng pag-ibig kada 14 ng Pebrero. Pero ang pinagmulan pa rin ng pag-ibig ang sentro ng pag-ibig.

—–

Katulad ng karamihan paborito ko ang ‘You We’re There’.

Kunin ang kanta sa pamamagitan ng link sa baba:

http://dl.dropbox.com/u/21462156/Regine%20Velasquez%20-%20You%20Were%20There.mp3

—–

Isang mapag-palayang araw ng mga puso sa lahat. :)

Ilan lang ito sa mga  maari nating gawin kasama sila: :)

1. Patayin ang TV at makinig ng kanta na gusto nila.
2. Ayusin ang kwarto kasama ang mga bata pagkagising sa umaga
3. Magdilig ng halaman.
4. Magpakain ng isda sa aquarium.
5. Bumili ng pandesal sa panderya.
6. Bumili ng mantikilya sa panaderya.
7. Magbisikleta sa paligid ng bahay.
8. Tulungang mag-drawing ang mga bata, magsalit-salitan kayo sa pagkumpleto sa isang drawing. Ikaw ang magdrawing ng araw (kayang-kaya mo yon, bilog lang yon na me sinag).. sa kanila ang drawing ng bahay.. mga ganung epek..
9. Tulungang lagyan ng kolor ang na-drawing. Ikaw ang magkulay sa araw (yellow lang yon. madali lang, kahit wala kang aral sa color harmony kaya mo yon), sa kanila yung kolor ng bahay.. mga ganung epek..
10. Buuin ang puzzle na hindi mo mabuo simula noong 10 taon ka pa lang :)
11. Magbasketball kalaban ang mga bata.
12. Pag-usapan nyo ang mga bagay na paborito nila.
13. Pag-usapan nyo ang mga bagay na paborito mo.
14. Pag-usapan nyo ang lahat ng pwede nyong pag-usapan.
15. Kung talagang gusto nilang manood ng TV ay makinood ka kasama nila.
16. Pag-usapan nyo kung ano ang susunod sa Shake, Rattle and Roll 13 (14?)
17. Pag-usapan nyo kung anong istorya ang pwede sa Shake, Rattle and Roll 38.
18. Bulabugin nyo ang nanay nila hanggang sa mainis. Medyo ingat lang kase baka mawalan kayo ng meryenda.
19. Magpalipad ng saranggola.
20. Paliguan ang aso, o pusa (?). Pag walang alagang pusa o aso, yung manok. Basta paliguan yung pet.
21. Magtimpla ng juice at sabay-sabay uminom. Wag uubusan ang nanay.
22. Gumawa ng sandwich na ang palaman ay Coco Jam.
23. Gumawa ng sandwich na ang palaman ay peanut butter.
24. Gumawa ng sandwich na ang palaman ay mantikilya.
25. Gumawa ng laruang papel at makipaglaro sa mga bata.

Medyo kinulit ko na lang yung ibang detalye. Pero ang importante ay gawin mo yung mga bagay na pwede mong gawin kasama ang yung mga tsikiting. Pag-laki nila.. hindi nila malilimutan ang mga ito.

Isang mapagpalayang araw sa inyo.

—

nakuha ko yung ideya ng post na ito sa post na nasa wikang ingles.. iniba ko yung ibang detalye para i-aplay sa ating Pinoy.